تخليتي عني

موضوع: تخليتي عني 2011-11-13, 9:19 pm

عشان كلمتين قلتها لك وكانت حالتي حاله خليها بس مستورة
بكلمتين قلتيها لي ونطقتيها عاادي بكل استهتار وسهولة
أجل ! وين الرقة وين الحنان وين اللي توقعت تكون صبورة
وين الوفاء وين اللي تبي تصير لجروحي الطبيبة والدكتورة
تخليتي عني !
بسبب غلطتي الوحيدة وتركتيني على طول يامحبوبة
من بعادك الله يستر صارت حياتي معرضة للخطورة
يمكن أموت وأنتي زعلانة مني !! لا لا الله لا يقوله
تخليتي عني !
في الوقت اللي احتجت حنانك لقلبي اللي تألم من جروحه
وحنا مابناخذ من الدنيا شي غير الخواطر المجبورة
ومافكرتي ان هالدنيا حقيرة وبكل مافيها ملعونة
وحنا اليوم هنا وبكرة الروح عند الخالق مرفوعة
بس لازم أقول لك شي انك غاليه لو ماتعرفين
واني أعزك معزّة مايعلمها الا الله وانك ماتدرين
وفقلبي يعلم الله اخلاص ووفاء فوق ماتتخيلين
ابي اقول لك شي اتحاسب عليه امام الله والثقلين
انك يوم تخليتي عني ضاق صدري كني بين نارين
نار غلطتي ونار لأنك حتى انتي تحبيني وما تتحملين
بكيت وربي شاهد وصوتي انقطع آه لو تسمعين
والله اني نادم ندم وليت غلطتي تمسحيها وتنسين
أعطيني فرصة أخيرة أشرح ظروفي أرجوكي لا تقسين
أعطيني فرصة أعترف بغلطتي وصدقيني انك بتقتنعين
أعطيني فرصة أبين لك غلاتك آه عساكي تصدقين
أعطيني فرصة أعتذر لك يمكن ترحميني وترجعين
بحق المحبة والمعزة اللي بينا انك تعطفين علي وتحنين
وبعد هالفرصة بترك لك الخيار فأحد الحلين
اما انك تتركيني وجروحي والا فحياتي تبقين
وان كان لي عندك قدر وخاطر ارجوكي تتصلين
لأني أبي أقول أعزك بالحيل يمكن انك تفهمين
وأبي أقول لك سامحيني وأرجوكي عني لا تتخلين
على الأقل أبريء ذمتي امام الله رب العـالمين
وأرجوكي سمعة سيئة عني لا تاخذين
تراني وربي على نيتي آه بس لو تحسين
هيا أنا فانتظارك أرجوكي لاتتأخرين
ولا تهجريني لأن الموت أقرب لو تطولين
وان لا سمح الله تفارقنا انا وانتي تكفين خليني بذكراكي
وشوفي اني ماعمري غلط عليكي وربي شاهد على كلامي
ويوم جت غلطتي الوحيدة تخليتي عني ودمرتي كل احلامي
ماتذكرين الأيام الحلوه اللي عشناها انا وانتي ياغرامي
والا هانت عليكي المشاعر وتجاهلتيني ورفضتي اعتذاري
حتى أنتى
ياخوفي على قلبي من صدماتٍ تزود جراحه !!
وياويلي من جروحٍ ماتطيق الا قلبي وشريانه !!
مافكرت اني إنسان مرهف احساسه !!
مافكرت اني إنسان أعلن قلبه من الحب اعتزاله !!
مافكرت اني إنسان يبي رقة للتعامل مع مشاعره !!
مافكرت اني إنسان أحتاج حنانك لقلبه اللي استقل بذاته !!
مافكرت اني إنسان مابقى لي غير مواساتك لذاته اللي انجرح كيانه !!
يعني صراحتي هي جرحي اللي جرحتك فيه
والا جرحي من صراحتي اللي قلت لك عليه
.. أكيد ان شكواي زادت من همومك ..
ليتك تدري ان همومي ملت كثر الشكاوي !
.. أنا أعتقد جروحي زادت كل عذابك ..
ليتك تدري ان عذابي ينازع آهات جراحي !
.. يعني صدق احساسي زاد آلامك ..
ليتك تدري ان آلامي تشكي من احساسي !
أنا أدري حتى انت مليت مني !
وأنا أدري تبي شي يبعدك عني !
بس أنا مدري ايه اللي جاكِ مني !
انتي تدري ان الدنيا تعزف على أوتار جراحي أحزن الألحان ..
بس ماتدري ان الدنيا ضحكت لي يوم حسيت معاك بالأمان ..
وليتني أدري ليه مااستمرت ضحكتي وليه رجعت لي الأحزان ..
بس أنا أدري اني منحوس وحظي اني ماأطول شعور الفرحان